Fjalor botanik | Fjalori i Botanikes

Fjalor Botanik
Fjalori i Botanikes

GERMA H

HALËZ
Bimë e egër barishtore, e helmët, me kërcell të
ashpër në majë, me kallinj të blertë ose të
kuqërremë, që rritet në toka me lagështirë.
HALMUCË
HALMUCË
Bimë barishtore njëvjeçare, që lëshon kalli me
hala si gruri dhe që e ha shumë breshka; bar
breshke.

HALOR
Familje drurësh si pisha, bredhi etj., që i kanë
gjethet të holla e të gjata si gjilpëra dhe përherë
të blerta, farat të mbledhura në një kokërr të
vetme dhe drurin me shumë rrëshirë; dru që bën
pjesë në këtë familje.

HALOR
Që është i hollë, i gjatë dhe me majë të
mprehtë si halë; që i ka gjethet në këtë trajtë; që
përbëhet nga halorë.

HARDALL
Sinap.

HARDHI
Shkurre kacavarëse, me trung të hollë, të gjatë e
të përdredhur, me lëvore ngjyrë hiri në të
kuqërremtë e me plasa, me gjethe të gjera në
trajtë të pëllëmbës, me lule të vogla, të
grumbulluara në vile, të cilat japin si fryt rrushin;

HARDHIORE
Familje shkurresh ku bëjnë pjesë lloje të
ndryshme të hardhive etj.

HARMOÇ
Pisha e butë.

HARTINË
Pishë e lartë e vendeve malore, me lëvore ngjyrë
hiri në të kuqe, me gjethe si halë të vendosura dy
e nga dy dhe me kurorë vezake; pisha e butë.

HASHASH
Bimë barishtore njëvjeçare, me kërcell të
gjatë e të degëzuar, me lule të mëdha me petla si
të lulëkuqes e me ngjyrë vjollce të hapët, që e ka
frytin si kapsulë e të mbushur me fara të vogla.

HEJDË
Hikërr

HELMARINË
Bimë barishtore shumëvjeçare, e helmët, me lule
në ngjyrë të kuqe të errët në vjollcë, me kokrra si
ato të kullumbrisë, që përdoren në mjekësi.

HELME
Shkurre me gjethe si të shelgut e me lëng të
hidhur; helmës.

HELMËS
Shkurre e helmët e viseve jugore, me gjethe të
gjata e të ngushta që nuk bien në dimër, me lule
të mëdha në ngjyrë trëndafili ose të bardha dhe
të bashkuara si tufë.

HELMËZ
Bimë barishtore parazite me kërcell kacavarës e
pa gjethe, që bën lule të verdha, të bashkuara si
tufë dhe që dëmton rëndë bimët bujqësore;
kuskutë.

HEQËSE
Këputje.

HERDHAQEN
1. Fshikakuq.
2. Lloj fikubardhë, kokërrvogël, që piqet vonë.

HIDE
Dru frutor me degë të shtrembra e plot gjemba,
me gjethe të vogla, vezake e me dhëmbëza
anash, që bën kokrra të zgjatura si ulli, të cilat kur
piqen bëhen ngjyrëkafe në të kuq e të ëmbla;
kokrrat e kësaj bime që hahen; xinxife.

HIDHËS
Hithër.

HIDHNAKTH
Bimë barishtore njëvjeçare, me kërcell të lartë
deri dy pëllëmbë e me lule të bardha, që mbin në
toka të punuara, në djerrishta, në gërmadha,
anës rrugëve etj., lulëzon nga prilli deri në vjeshtë
dhe bën kokrra të zeza e shumë të hidhura.

HIDHNAQ
Bimë shumëvjeçare kacavarëse me kërcell të
drunjëzuar, me lule në ngjyrë të vjollcës ose të
bardha, që lulëzon nga prilli deri në vjeshtë, bën
kokrra vezake e të kuqe dhe përdoret si bimë
mjekësore.

HIKËRR
1. Lloj drithi që bën kokrra të vogla me cipë të
murrme e përbrenda të bardha, të cilat përdoren
më shumë si tagji për kafshët; grurëzi, hejdë;
kokrrat e këtij drithi.
2. Bimë e egër barishtore ose shkurre e
livadheve, me shumë lloje, me gjethe të
dhëmbëzuara si të domates që bën kokrra të
vogla të rrumbullakëta.

HINARDH
Angjinare.

HISËLL
Hithër.

HITHËR
1. Bimë e egër barishtore që në kërcellin e
në gjethet e saj të dhëmbëzuara ka një push të
imët djegës dhe që përdoret si bimë mjekësore e
për ushqim.

HITHËRORE
1. Familje bimësh barishtore, ku bëjnë pjesë
lloje të ndryshme hithrash etj.

HITHËS
1. Lloj vidhi me trung të lëmuar, me gjethe të
dhëmbëzuara e me majë, të mbuluara nga lart me
push të ashpër, me lule të vogla pa bisht, druri
të cilit përdoret për lëndë ndërtimi.

HITHKË
1. Ajdës.
2. Hithër.

HUDHËR
1. Bimë barishtore njëvjeçare me kërcell e
me gjethe si të preshit, që bën në tokë një kokë
me thelpinj të bashkuar, që ka erë të fortë e të
djeg dhe që përdoret si ushqim a si bimë
mjekësore.

HUNAP
Shelgbutë.

HURMË
Pemë e vendeve të ngrohta, e lartë deri në
dhjetë metra, me gjethe të gjata e vezake, me lule
të bardha si në të verdhë, që bën kokrra të
mëdha e të tulta si mollë, të cilat kur piqen,
zbuten, marrin një ngjyrë të verdhë me të kuq dhe
ëmbëlsohen; kokrrat e kësaj peme; kaki, hurmë deti.

HYSHTËR
Boshtër.

Fjalor Botanik
Fjalori i Botanikes

Comments
All comments.
Comments