Fjalor Botanik
Fjalori i Botanikes
GERMA X
XANË
Gjineshtër.
XERXELE
Shkurre e ulët helmuese me lëvore të murrme,
me gjethe vezake të zgjatura, me lule të bardha e
me erë të këndshme që çelin gjatë muajit maj; bar
thëllëze.
XINË
Shkurre me shumë degë, me lëvore të murrme
leskra-leskra me gjethe vezake përherë të blerta
që përmbajnë tanin e me lule të kuqërreme në
vile që lidh si fryt disa kokrra të vogla të zeza, nga
të cilat nxirret një lloj vaji me erë të këndshëm;
shqind.
XINXIFE
Hide.
XUNKTH
Bimë barishtore që rritet në brigjet e
lumenjve, të liqeneve ose nëpër këneta, me
shumë kërcej pa gjethe, të rrumbullakët, të hollë
e të epshëm, të cilët përdoren për të bërë
shporta, fshesa etj., për të mbuluar çatitë e
kasolleve etj.
XUNKTHORE
Familje bimësh ku hyjnë xunkthi
dhe disa bimë të tjera të ngjashme me të.
GERMA XH
XHENXHEFIL
Bimë barishtore shumëvjeçare e vendeve të
nxehta, me gjethe si heshta e me lule të verdha,
rizomat e së cilës kanë një lloj vaji dhe përdoren
të thara për t’u dhënë erë të mirë pijeve,
gatesave etj.
XHIXHËLL
Bimë barishtore dyvjeçare e dëmshme, me kërcell
të drejtë, me gjethe bardhoshe, me lule në ngjyrë
të kuqe, që mbin në kullota a në gurishte.
XHUFKË
Bimë barishtore shumëvjeçare e livadheve, me gjethe
të gjata e të ashpra që dalin tufë nga rrënjët dhe me
lule të imëta ngjyrëmanushaqe mbi një kërcell të hollë,
të cilën nuk e ha bagëtia.