Fjalori i Gjeografise – Fjalor Gjeografik

 Fjalor Gjeografik

BAKËRMBAJTËS

Që ka bakër; që përmban bakër (për mineralet). Shtresë bakërmbajtëse.

BARISFERË

Bërthama e Tokës, qendra e Tokës.

BËRTHAMË

Pjesa e brendshme qendrore e një sendi; pjesa kryesore, nga e cila zhvillohet më tej vetë sendi; pjesa rreth së cilës organizohen elementet e tjera të një të tëre. Bërthama e Tokës

BISHT

Rrip i zgjatur toke brenda në det ose ne liqen, kep. Bishti i Pallës.

BOMBË

Bombë vullkanike, copë lave, që del nga krateri i vullkanit menjëherë pas gazeve dhe që merr trajtën e një lëmshi.

BOREAL

Që ka të bëjë me Veriun, i Veriut; që ndodhet në gjysmërruzullin verior; që ësht ëkarakteristik për Veriun; që jeton a që ndodhet brenda rrethit polar të Veriut. Gjysmërruzulli boreal. Popullsi boreale. Det boreal. Tokë boreale. Klimë boreale. Vera boreale. Agimi boreal agimi polar (verior).

BREZ

Pjesë e sipërfaqes së Tokës ndërmjet dy paralelesh ose dy meridianësh; zonë e Tokës që kufizohet nga paralele të caktuara dhe që dallohet prej zonave të tjera nga ndryshime të klimës, të bimësisë etj. Brez gjeografik. Brezi i ftohtë (i ngrohtë, i nxehtë, mesatar). Brezi arktik. Brezi tropikal. Brezi i bores.

BRICJAP

Tropiku i Bricjapit. Tropiku Jugor.

 Fjalor Gjeografik

Comments
All comments.
Comments