FJALORI I MJEKESISE

GERMA I

IMUNITET
Veti mbrojtëse që ka një organizëm për t’u
bërë ballë disa mikrobeve ose për të mos u dëmtuar nga
disa helme; aftësi mbrojtëse e organizmit për të mos u
prekur nga një sëmundje. Imunitet i lindur (i
vetvetishëm, i fituar). Imuniteti i fëmijëve. Ka humbur
imunitetin. Jep imunitet (sëmundja, vaksina). Fiton

imunitet (organizmi).
IDIOT
Njeri me zhvillim mendor shumë të
mangët që nga lindja, ai që vuan nga idiotësia.

IDIOTËSI
Mungesë e rëndë e zhvillimit mendor,
zakonisht që nga lindja, të qenët idiot.

IMUNIZOJ
E bëj një organizëm që të fitojë veti a aftësi mbrojtëse
për të përballuar disa mikrobe e për të mos u prekur nga
disa sëmundje ose për të mos u dëmtuar nga disa
helme; i jap imunitet një organizmi, bëj që dikush të fitojë
imunitet. Imunizoj fëmijët (nxënësit).

IMUNIZUAR
Që ka fituar imunitet. Organizëm i
imunizuar.

INFARKT
Vdekja e një indi a e një pjese të një organi kur prishen
ose kur mbyllen enët që e ushqejnë me gjak. Infarkt i
zemrës. Infarkt i trurit (i mushkërive).

INFEKTIV
Reparti i sëmundjeve
ngjitëse në një spital. Të sëmurët (mjekët) e infektivit. U
shtrua në infektiv. Punon në infektiv.

INJEKSION
1. Injektim. Injeksion në muskul (në krah, në damar).
2. Bar i lëngshëm, gjak etj. që shtihet me gjilpërë nën
lëkurë, në muskul a në enët e gjakut me qëllim mjekimi
ose me qëllime të tjera; gjilpëra me këtë lëng. Injeksion
me glukozë (me morfinë). E mbajnë me injeksione (për
një të sëmurë rëndë).

INJEKTOJ
Shtie me gjilpërë nën lëkurë, në muskul a në
enët e gjakut një bar të lëngshëm, gjak etj. për mjekim a
për qëllime të tjera, bëj një gjilpërë.

IRIQ
Mish i huaj që del në një pjesë të trupit a në një
organ të tij dhe që është përsipër gjemba-gjemba. Iriqi i
zi kanceri. I doli një iriq. Djeg (pres, heq) iriqin.

IRIZË
Iriqi i zi, kanceri. Vdiq nga iriza.

FJALORI I MJEKESISE