Fjalori i veglave pajisjeve mjeteve aparaturave

ZILE

1. Mjet prej tunxhi, si kambanë fare e vogël dhe me

gjuhëz, që nxjerr tinguj dhe që zakonisht u varet

bagëtive në qafë; tingulli që nxjerr ky mjet. Zile dyjare

dy zile të futura njëra brenda tjetrës. Zile triare tri zile të

futura brenda njëra-tjetrës. Zilet e kopesë. Tingëllimat

e zileve. Rrethi i ziles. Bien (dëgjohen) zilet. Ku

mërzen cjapi me zile

2. Mjet prej metali, në trajtë koni e gjysmërruzulli, që

punon me kurdisje, me rrymë elektrike etj., nxjerr tinguj

të njëpasnjëshëm dhe përdoret për të lajmëruar dikë;

tingulli që nxjerr ky mjet. Zile elektrike. Zile biçiklete

Zilja e telefonit. Zilja e derës. Zilja e mësimit (e

pushimit). Orë me zile

ZËMATËS

Aparat i posaçëm që shërben për të matur fuqinë e zërit

ZMADHUES

Aparat zmadhimi

ZBËRTHYES

Që ndihmon për të zbërthyer diçka, që duhet për

zbërthimin e diçkaje; që mund të zbërthejë. Vegël

zbërthyese

ZDRUKTH

Vegël dore prej druri a prej metali, me një thikë të gjerë,

që përdoret për pastrimin, rrafshimin e drejtimin e

dërrasave e të pjesëve të tjera prej druri ose për të

hapur kanale në to. Zdrukth i ngushtë. Zdrukth i trashë

(tek) zdrukth që heq shtresën e parë, të trashë të drurit

Zdrukth i lakuar zdrukth që e ka fundin të lakuar

Zdrukth drejtues. Zdrukth pastrues. Zdrukth ulluk

zdrukth me fund të lakuar për të bërë kanale në

dërrasë. Zdrukth qorr zdrukth i ngushtë që përdoret për

zdrukthimin e kanaleve. Thikë zdrukthi

ZËNËS

Vegël e posaçme prej dërrase që shërben për të

penguar ose për të lëshuar ujin në lugun e mullirit të

blojës

ZDRUKTHUESE

Që përdoret për të zdrukthuar. Makinë zdrukthuese

Fjalori i veglave pajisjeve mjeteve aparaturave

Shqipopédia