AERODINAMIKË
Pjesë e fizikës, që studion ligjet e lëvizjes së ajrit e të
gazeve të tjera, si edhe veprimin e tyre mbi trupat e
ngurtë që lëvizin nëpër to. Ligjet e aerodinamikës.

AKUMULATOR
Aparat i posaçëm me pllakëza plumbi të zhytura në një
lëng me acid sulfurik, që shërben për grumbullimin dhe
për ruajtjen e energjisë elektrike. Akumulator elektrik.
Akumulatorë makinash. Bateri akumulatorësh. Acid
akumulatorësh.

AKUSTIKË
Pjesë e fizikës, që studion tingujt.

ALFA
Emri i shkronjës së parë të alfabetit grek;
përdoret si simbol (a) në matematikë, në astronomi e në
fizikë për të shënuar të parin kënd; të parin yll a të
parën pikë, një lloj rrezesh e grimcash etj. në vargun e
emërtimit të tyre.

AMPER
Njësi për të matur fuqinë e rrymës elektrike (shkurt. A).

AMPERMETËR
Aparat i posaçëm që shërben për të matur fuqinë e
rrymës elektrike.

ANION
Jon me ngarkesë negative

ANODË
Elektrodë e polit pozitiv në një burim rryme elektrike ose
e lidhur me polin pozitiv; kund. katodë. Pllaka e
anodës. Tensioni i anodës.

ANTIGRIMCË
Grimcë që ka ngarkesë të kundërt ose veti magnetite të
kundërta me një grimcë të dhënë elementare;
kundërgrimcë.

ANTILËNDË
Lëndë e përbërë nga antigrimcat, kundërlëndë.

ANTIMATERIE
Kundërlëndë

ANTITHËRRMIJË
Kundërgrimcë

ASNJANËS
Që nuk ka ngarkesë as pozitive, as negative.
Përcjellës asnjanës.

ATMOSFERË
Njësi matëse e trysnisë së
gazeve dhe të lëngjeve, e barabartë me trysninë e një
kilogrami në një sipërfaqe prej një centimetri katror.

ATRAKSION
Tërheqje. Ligji i atraksionit. Veprimi i atraksionit.