FJALORI I ARTEVE

GERMA K

KARAKTER
Personazh që mishëron përmes tipareve individuale disa anë e veçori
thelbësore të përfaqësuesve tipikë të një klase a shtrese shoqërore ose
të një grupi a mjedisi shoqëror në një epokë të caktuar historike; tip.
Karakter letrar. Karakter i plotë (i gjallë). Karakter dramatik (tragjik).
Karakter në letërsi (në art).

KARIKATURË
Lloj i artit figurativ që kritikon e demaskon anët negative në
sjelljet e në veprimet e dikujt nëpërmjet paraqitjes së zmadhuar e
qesharake të tipareve e të të metave; vizatim që zmadhon tiparet e
të metat e dikujt dhe i paraqet ato në mënyrë qesharake.
Karikaturë miqësore. Ekspozita e karikaturës. Bëj një karikaturë.

KLASICIZËM
Drejtim letrar e artistik në shekujt XVII-XVIII, që merrte si model
veprat e letërsisë e të artit antik dhe mbështetej në një sistem të
rreptë normash e rregullash estetike. Klasicizmi frëng. Normat e
ngurta të klasicizmit.

KOMPOZICION
Ndërtimi i brendshëm i një vepre letrare, muzikore artistike, që
përcaktohet nga synimi për të zbuluar më mirë idenë e veprës;
mënyra si janë lidhur e si janë vendosur pjesët përbërëse të
veprës. Kompozicioni i romanit (i pikturës, i një opere).

KOMPOZIM
1. Kompozimi i operës.
2. Vepër a pjesë muzikore. Kompozim orkestral (simfonik).
3. Pikturë a skulpturë me një ndërtim të posaçëm, ku figurat a
elementet përbërëse janë të lidhura ngushtë në një njësi të vetme
dhe shprehin qartë përmbajtjen ideore artistike të veprës.
Kompozim skulpturor.

KOMPOZOJ
1. Krijoj një pjesë a një vepër muzikore. Kompozoj një këngë
(një operë, një simfoni).
2. Krijoj një vepër artistike, të përbërë nga disa pjesë a
elemente që ndërthuren së bashku. Kompozoj një kompleks
skulpturor.

KONTRAST
Dallim i theksuar i ngjyrave, që arrin deri në ngjyra të kundërta
dhe që e bën më të qartë figurën në një pikturë, në një fotografi,
në ekranin e televizorit etj.

KOREOGRAF
Ai që bën një balet a një valle; ai që vë në skenë balete. Koreograf
i ri (i njohur).

KOREOGRAFI
Arti i valles dhe i baletit; mjeshtëria për të vënë në skenë balete.
Koreografia popullore. Zhvillimi i koreografisë. Merret me koreografi.

KUBIST
Ai që krijon sipas parimeve të kubizmit, ndjekës a pasues i kubizmit.

KUBIZËM
Rrymë krejt formaliste e subjektiviste në artin dekadent e cila duke
hequr dorë nga paraqita reale e botës objektive, përpiqet,
nëpërmjet figurash e formash të ndryshme gjeometrike (kubesh,
katrorësh, trekëndëshash etj.), të japë skulptura e piktura të
ngatërruara gjoja për të krijuar idenë e sendeve.

KULTURË
Tërësia e arritjeve të një populli dhe të gjithë njerëzit, në fushën
e prodhimit dhe në zhvillimin shoqëroi e mendor; shkalla e këtyre
arritjeve dhe e këtij zhvillimi në një etapë të caktuar; fusha e
zhvillimit shoqëror që përfshin krijimtarinë e gjithanshme në gjuhë,
në art, në letërsi, në shkencë dhe në tërë jetën shpirtërore.

FJALORI I ARTEVE