FJALORI I MJEKESISE

GERMA M

MADH
Lia e madhe, lia e dhenve.

MAJASËLL
Sëmundje që shfaqet me zgjerim të venave në fund të
zorrës së trashë dhe që shkakton rrjedhje gjaku;
hemorroide. Bar majasëlli. Vuante nga majasëlli.

MALARIE
Sëmundje e rëndë që shkaktohet nga parazitë shumë të
vegjël, të cilët ia fut njeriut në gjak mushkonja anofele
kur e pickon, dhe që shfaqet me ethe të forta e me të
dridhura, të cilat e zënë njeriun herë pas here zakonisht
në mbrëmje; ethet e kënetës. Malarie e vjetër.
Mushkonja e malaries anofelja. Ethet e malaries.
Paraziti i malaries. Përhapja e malaries. Zhdukja e
malaries. Lufta kundër malaries.
Vuante nga malaria. E zuri (e kapi) malaria.

MANI
Gjendje psikike e sëmurë e një njeriu, të cilit i
ngulet mendja te diçka pa ndonjë arsye. Kishte maninë
e përndjekjes (e vetëvrasjes).

MANIAK
Që vuan nga mani

MARRËS
Ai të cilit i shtien gjakun që ka dhënë një tjetër

MELHEM
Qull i trashë, që përgatitet duke përzier barna
të ndryshme me lëndë të yndyrta, me të bardhën e
vezës etj. dhe që përdoret në mjekësinë popullore për të
mjekuar plagët; bar plagësh.

MENDOR
Që ka të bëjë me mendjen, që i përket mendjes; që
lidhet me aftësinë për të menduar a me veprimtarinë e
mendjes. Puna mendore. Forcë (fuqi, aftësi) mendore.
Ngarkesë (lodhje) mendore. Sëmundje mendore.

MENINGJIT
Pezmatimi e qelbëzimi i cipës së trurit, që shkaktohet nga
disa baktere.

MËLLË
Breshkëz. I doli një mëllë në kokë. Iu mbush trupi me mëllënj.

MIGRENË
Sëmundje që shfaqet me dhembje të herëpashershme e
të forta të kokës, zakonisht në njërën anë.

MIKROB
Organizëm shumë i vogël njëqelizor, që gjendet në
ujë, në ajër, në tokë e në qenie të gjalla dhe kalbëzon e
tharbëton lëndët organike ose shkakton sëmundje të
ndryshme; bakter.

MIOPI
Dritëshkurtësi.

MJEK
Specialist me arsim të lartë në fushën e mjekësisë, doktor.
Mjek ushtarak. Mjek ligjor.
Mjek kirurg, psikiatër, neurolog, gjinekolog, pediatër, okulist.
Mjeku i dhëmbëve, stomatolog, dentist.
Mjeku i syve, okulist.
Mjeku i kafshëve, veteriner.
Mjek për fëmijë, pediatër.
Mjeku i zemrës, kardiolog.
Mjeku i rojës.
Mjeku i familjes

MJEKËS
Ai që mjekonte njerëzit duke përdorur barëra e prime
sipas përvojës së fituar në jetë, mjek popullor; mjek.

MJEKTAR
1. Mjekës; mjek.
2. Magjistar.

MOLË
Sëmundje e rrezikshme për gratë shtatzëna, që
gërryen muret e mitrës dhe nuk lë të zhvillohet fëmija.

MURTAJË
1. Sëmundje ngjitëse shumë e rëndë, që shkaktohet nga
një virus i posaçëm, përhapet shumë shpejt, shfaqet me
zjarrmi e dobësi të madhe, me dhembje të forta në kokë,
në qafë etj. dhe sjell vdekjen.
2. Sëmundje ngjitëse shumë e rrezikshme, që prek disa
shpendë e kafshë, sidomos pulat, pëllumbat, derrat,
bletët e larvat e tyre dhe që zakonisht shkakton
ngordhjen e tyre; kolera e bletëve.

MYKTH
Sëmundje e gojës së fëmijëve të vegjël e të foshnjave,
që shfaqet në fillim me pika të bardha, të cilat më vonë
formojnë një shtresë në tërë cipën e gojës, të gjuhës e
të qiellzës. Mykthi shërohet me mjaltë.
FJALORI I MJEKESISE

GERMA N

FJALORI I MJEKESISE

NARKOTIZOJ
Vë në gjumë duke i dhënë lëndë narkotike; sjell
në gjendje narkoze.
E narkotizuan të sëmurin. E narkotizuan me eter.

NARKOZË
1. Humbje e përgjithshme ose e pjesshme e
ndjeshmërisë që shkaktohet me anë të narkotikëve,
gjendje gjumi të thellë e pa ndjenja nga veprimi i lëndëve
narkotike. Aparati i narkozës. I bënë narkozën. I doli
narkoza.
2. Lënda narkotike, që përdoret për ta vënë në gjumë të
thellë e pa ndjenja një të sëmurë. I dhanë narkozën.

NDËRHYRJE
Veprim i shpejtë dhe rrënjësor për të ndaluar
zhvillimin e mëtejshëm të një sëmundjeje, operacion.
Ndërhyrje kirurgjikale. Ndërhyrje e shpejtë mjekësore.

NDËRLIKIM
Dukuri tjetër rënduese që shfaqet gjatë një
sëmundjeje ose pas saj. Operacioni doli mirë, po pas tij
pati disa ndërlikime.

NDËRLIKOHEM
Shoqërohet një sëmundje nga një dukuri tjetër,
që e bën më të rëndë. Sëmundja u ndërlikua.

NDIHMË
Tërësia e veprimeve, që bëhen për të ndihmuar
një të sëmurë ose për të mjekuar një plagë. Ndihmë
mjekësore. Ndihma e parë mjekimi i parë që i bëhet një
njeriu që sëmuret papritur ose që pësojnë fatkeqësi.
Ndihma e shpejtë veprimtari për të dhënë ndihmën e
parë mjekësore në rastet kur nuk mund të pritet dhe për
t’i dërguar të sëmurët menjëherë në një qendër mjekimi.

NDISHK
Tuberkuloz.

NDRYDHJE
Lëvizje e kockës së një gjymtyrë nga vendi i vet;
pjesa ku është zhvendosur kocka e një gjymtyre. Pati
një ndrydhje.

NEFRIT
Pezmatimi i veshkave i shoqëruar me dhembje etj. Nefrit
i qelbëzuar.

NEGATIV
Që nuk ka shenja bakteresh, mikrobesh etj. në
analizat e laboratorëve; që nuk është i prekur nga një
sëmundje.

NEUROKIRURGJI
Degë e kirurgjisë, që merret me mjekimin e sëmundjeve
të nervave dhe të qendrave nervore.

NEUROLOG
Mjek i specializuar për sëmundjet nervore.

NEUROLOGJI
Degë e mjekësisë që merret me studimin e sistemit
nervor dhe me mjekimin e sëmundjeve nervore. Reparti i
neurologjisë.

NEUROPSIKIATËR
Mjek specialist për sëmundjet nervore e mendore.

NEVRALGJIK
Që ka të bëjë me nevralgjinë, që lidhet me
nevralgjinë. Dhembje nevralgjike.

NEVRASTENI
Sëmundje e sistemit nervor, pa ndonjë cenim të
dukshëm organik, që shfaqet me dobësitë përgjithshme,
me prishje të gjumit, me dhembje koke dhe me
ndjeshmëri të tepruar ndaj çdo ngacmimi. Vuan nga
nevrastenia.

NËNGRUP
Nënndarje e një grupi, nëngrupet e gjakut

NGJITËS
Që ka aftësinë të kalojë nga një i sëmurë te një
i shëndoshë, që përhapet nga një i sëmurë tek të
shëndoshët (për sëmundjet). Sëmundje ngjitëse. Spitali
(pavijoni) i sëmundjeve ngjitëse. Nuk është ngjitëse.

FJALORI I MJEKESISE