FJALORI I MJEKESISE

GERMA F

FARMACEUTIK
1. Që përdoret si bar për të parandaluar ose për të
mjekuar një sëmundje; që ka veti mjekuese. Prodhime
farmaceutike.
2. Që ka të bëjë me prodhimin e barnave, që prodhon
barna. Ndërmarrje farmaceutike. Laborator farmaceutik.
Industria farmaceutike.

FARMACEUTIKË
Degë e mjekësisë që merret me përgatitjen, përpunimin
e me ruajtjen e barnave. Katedra e farmaceutikës.

FASHË
Rrip prej pëlhure të hollë e të rrallë, që përdoret
për të lidhur plagët.
Fashë e pastër. Zgjidh fashën. Lidh me fashë.

FLAMË
1. Emërtim për sëmundje të ndryshme të rënda e
ngjitëse (si kolera, murtaja etj.), që përhapen si epidemi
ndër njerëzit.
2. Sëmundja e tokës, epilepsia.
3. Rrufë e rëndë, që zgjat shumë. E zuri flama. Është me flamë.

FOKË
Sëmundje e rëndë ngjitëse, që shfaqet me ethe dhe me
mahisje të lëkurës, të kuqtë e madh. I ka rënë foka.

FRUTH
1. Sëmundje ngjitëse që prek sidomos fëmijët, e cila
shfaqet me puçrra ose me njolla të kuqe në lëkurë dhe
shoqërohet zakonisht me zjarrmi e me mahisjen e
qepallave, të qiellzës e të rrugëve të sipërme të
frymëmarrjes. I ka rënë (e zuri) fruthi. E ka kaluar
fruthin.
2. Fruthi i zi (i keq), skarlatina.

FRYMËZ
Astma, shpirra, gulçimi. E ka zënë frymëza.

FSHEHTË
Që zhvillohet pa dhënë shenja të dukshme a shenja klinike

FYT I KEQ
Difteria

FYTE
Shytat. E kanë zënë fytet.
FJALORI I MJEKESISE