FJALORI I MJEKESISE

GERMA R

RADIOLOG
Mjek i specializuar në radiologji; specialist për përdorimin
e aparateve radiologjike. Mjek radiolog. Teknik radiolog.

RADIOSKOPI
Vëzhgimi i shëmbëllimit të një pjese të brendshme të
trupit të njeriut ose të një sendi tjetër, që del në një
ekran të posaçëm, kur e përshkojmë me rreze rëntgen.
Radioskopia e mushkërive (e krahut, e zemrës, e
stomakut). Aparati i radioskopisë. Qendra e
radioskopisë. I bëj radioskopinë. Shkoj (kaloj, dal) në
radioskopi.

RADIOSKOPIK
Që lidhet me radioskopinë, i radioskopisë; që bëhet me
anë të radioskopisë. Kabinet radioskopik. Vizitë
radioskopike. Vrojtim (kontroll) radioskopik.

RAKITIK
Që vuan nga sëmundja e rakitizmit; që ka zhvillim të keq të
trupit, sidomos të eshtrave. Fëmijë rakitik.

RAKITIZËM
Sëmundje e fëmijëve, që shfaqet me shtrembërimin dhe
zhvillimin e dobët të eshtrave për shkak se organizmit i
mungojnë disa lëndë minerale (kripërat e gëlqeres,
vitamina D). Vuan nga rakitizmi.

RECIDIV
Rishfaqje a përsëritje e një sëmundjeje pasi jemi
shëruar prej saj. Recidivat e sëmundjes (e malaries).
Jep recidiva.

REGJIM
të ndenjurit e një të sëmuri shtrirë në shtrat derisa
të shërohet. Regjimi i nxënësit (i fëmijës, i të sëmurit).
Zbatimi i regjimit. Mbaj (prish) regjimin.

REUMATIK
1. Që ka të bëjë me reumatizmin, që shkaktohet nga
reumatizmi. Sëmundje reumatike. Dhimbje reumatike.
2. Që vuan nga reumatizmi. Njeri reumatik.

REUMATIZËM
Sëmundje që shfaqet në kyçet e gjymtyrëve, në muskuj
ose në pjesë të tjera të trupit dhe që shoqërohet me
dhimbje, me të therura dhe me ënjtje. Reumatizëm i fort
ë(i rëndë). Reumatizëm në gju (në kyçe). Vuan nga
reumatizmi.