Fjalor Botanik
Fjalori i Botanikes
GERMA Q
QARR
Lloj dushku me trung të trashë e të gjatë, me
lëkurë të errët plot të çara e me gjethe vezake, që
bën lëndë të mëdha.
QARRABUTË
Bungëbutë.
QARRAZI
Bujgër.
QARRUCË
Përnar.
QELBËS
Shkurre me degë të holla, me gjethe
heshtake, që mbajnë erë të rëndë dhe me lule të
verdha, që bëjnë bishtaja; karthë e egër, rrunjë.
QELBINË
Arrç, shurrëpelë.
QEN
Kopër qeni > maraskë
QEPË
Bimë barishtore me kokë të nëndheshme prej
shumë fletësh të tulta, të mbledhura njëra mbi
tjetrën, me rrënjë si tufë, me gjethe të gjelbra si
bishta të hollë e të gjatë, të zbrazët brenda e të
mbyllur në majë, që bën lule të vogla të
mbledhura si çadër dhe fara shumë të imëta;
koka dhe gjethet e kësaj bime me shije djegëse,
që përdoren si ushqim.
QEPË DETI
Boçkë.
QEPË GJARPRI
Xhërrokull.
QEPËZ
Qepore
QEPOR(E)
Bimë barishtore si zambaku etj. që e kanë pjesën e
nëndheshme si kokë qepe.
QEPUJKË
Qepë e vogël që rritet nga fara dhe që
përdoret për t’u mbjellë ose për ushqim.
QERSHI
Dru frutor me gjethe vezake të dhëmbëzuara, me
lule të bardha të grumbulluara tufë, që bën kokrra
të kuqe a të verdha, të ëmbla e me bërthamë në
mes, të cilat piqen në fillim të verës; kokrrat e
kësaj peme që përdoren për të ngrënë a për
reçel.
QERSHI TOKE
Qershigël.
QERSHIGËL
Shkurre e ulët me shumë degë, me gjethe të
vogla e të dhëmbëzuara, me lule të blerta ose në
ngjyrë trëndafili të zbehtë, që bën kokrra të vogla
e të rrumbullakëta në ngjyrë vishnje të errët, me
shije të ëmbël e pak të athët; kokrrat e kësaj
bime, që hahen ose përdoren për reçel etj.;
qershi toke, qershizë e egër, rrush mali, thrashegër.
QERSHIZË
Qershigël.
QERTHULL
Pjesët e bimës, që rriten rreth e rrotull
kërcellit a trungut kryesor.
QERTHULLAK
Qerthullor
QERTHULLOR
Që është vendosur përreth kërcellit ose trungut
kryesor.
QIMNON
Bimë barishtore dyvjeçare me kërcell të degëzuar
në majë, me lule të bardha ose ngjyrë trëndafili të
mbledhura si çadër, që bën disa fara të vogla me
vaj, të cilat përdoren për t’u dhënë erë pijeve,
ëmbëlsirave etj.
QINGËL
Shpendër
QIPARIS
Dru halor mesdhetar me trup të drejtë e të gjatë
dhe me një majë të zgjatur, me gjethe të vogla
luspake përherë të blerta, të renditura kryq nëpër
degëza, që bën disa boçe të vogla e të forta,
selvi.
QIQËR
Bimë barishtore me kërcell mjaft të degëzuar,
me gjethe të vogla e të dhëmbëzuara, me lule
ngjyrë qielli të hapur, që bën bishtaja vezake me
kokrra të rrumbullakëta si bizele, por me ngjyrë
si të verdhë; kokrrat e kësaj bime, që përdoren
për ushqim.
QIQËRVIQËR
Kikirik
QIRITH
Gjunjëz, bar guri.
QITRO
Dru frutor i ngjashëm me limonin, me gjethe
gjithnjë të gjelbra, që bën kokrra të mëdha me
ngjyrë të verdhë e me lëkurë të trashë, me pak
lëng me shije si të athët; fryti i këtij druri, që
përdoret për ëmbëlsira dhe për të nxjerrë një
esencë me erë të mirë.
QUMËSHTORE
Bimë barishtore me gjethe të këmbyera, me
lule të vogla, të verdha, të mbledhura tufë në
formë çadre, kërcellisë cilës nxjerr një lëng të
bardhë si qumësht; rryell.
QYQE
Misër qyqeje > këlkazë.