Fjalori i veglave pajisjeve mjeteve aparaturave

BALLAMAR

Litar i trashë që përdoret për të lidhur mallrat e

ngarkuara në një mjet

BARKË

Mjet i thjeshtë lundrimi, më i vogël se anija, që vihet

në lëvizje me lopata, me vela ose me motor; varkë

Barkë dërrase (gome). Barkë me lopata (me rrema,

me vela, me motor). Barkë peshkimi. Barka e shpëtimit

BIÇIKLETË

Mjet i lehtë e i shpejtë udhëtimi, zakonisht me dy rrota

njëra pas tjetrës, që vihet në lëvizje me këmbë. Biçikletë

sportive. Biçikletë dyshe. Biçikletë burrash (grash,

fëmijësh). Biçikletë me tri rrota. Biçikletë me motor

BILBIL

Mjet i vogël me një pip, te cilit i fryjmë për të nxjerrë

fërshëllimë. Bilbil druri

BORI

Mjet sinjali, që përdoret në makina, në karroca etj

dhe që nxjerr zë të fortë

BLIC

lambë me ndriçim të fortë e të menjëhershëm, që

përdoret gjatë fotografimit. Aparat blici

BALONË

Sferë e madhe prej pëlhure ose prej lënde tjetër të

fortë e të papërshkueshme nga ajri, që mbushet me gaz

të lehtë dhe që shërben për të ngritur lart në ajër një

aerostat, pajisje për studime meteorologjike etj.;

aerostati që ngrihet në ajër me një sferë të tillë. Balonë

meteorologjike. Balonë me hidrogjen. Ngjitej me balonë

BATERI

Pajisje e përbërë nga disa pjesë ose nga disa

elemente të njëjta, që janë lidhur së bashku për të bërë

një punë. Bateri kazanësh (turbinash, ngrohësish, ndriçuesish)

BAROMETËR

Vegël e posaçme për të matur shtypjen atmosferike

Barometër metalik. Barometër me zhivë. U ngrit (u ul)

barometri

BASHKUES

Vegël që shërben për

të bashkuar dy pjesë të një mekanizmi a dy sende

BEL

Vegël bujqësore si lopatë, me teh trekëndësh, zakonisht

me një këmbëz, që përdoret për të punuar thellë tokën

ose për të hapur hendek. Bel çatall bel me tehun të

trashë e të ndarë si bigë. Bel ulluk bel me teh të kthyer

si lug që përdoret për të hapur gropa

BLIGJE

1. Vegël druri si kunj, që përdoret për të vizatuar e për

të lëmuar vorbat; kruashkë

2. Kunj druri me kokë, që përdoret për të mbajtur

lëmshet e penjve

BRANË

Vegël në trajtë bige, me një peshë përsipër, që

shërben për të mbajtur të tërhequra fijet, kur i endim

dhe i mbledhim në shulësin e tezgjahut. Guri i branës

BRAVË

Vegël e hekurt që ngulet në dyer, në dollapë, në

sirtarë etj. dhe që shërben për t’i mbyllur me çelës

Bravë dere. Brava e dollapit (e sirtarit, e valixhes)

BRAZDËHAPËS

Vegël bujqësore, që shërben për të hapur brazda;

kultivator për të hapur brazda

BRISK

1. Thikë çeliku e posaçme me dorëz, me një teh shumë

të mprehtë, që përdoret për t’u rruar; pllakëz çeliku

shumë e hollë dhe me dy tehe shumë të mprehta, që

vihet në një vegël të posaçme dhe përdoret për t’u

rruar. Brisk rroje. Brisk makine

2. Thikë e vogël xhepi me një presë, që hapet e mbyllet

në një dorëz prej briri, prej lënde plastike, prej metali

etj.; biçak; vegël me presë, që shërben për të krasitur

drurët, për të prerë lulet, për shartime etj. Brisk xhepi

Brisk shartimi. Brisk për krasitje. Brisk me dy presa

Presa (doreza) e briskut

BUSULL

Vegël e përbërë nga një kuti e vogël, e rrumbullakët

dhe e mbuluar me xham, e cila ka një fushë të

shkallëzuar dhe një gjilpërë magnetike që tregon

gjithmonë Veriun dhe përdoret për t’u drejtuar sipas

pikave të horizontit ose për të matur këndet e drejtimit

Busull detare. Busull magnetike. Busull gjeologjike

(topografike). Busull xhepi. Drejtohem me busull

BABUNE

Enë druri, e rrumbullakët dhe me një vesh, që nxë rreth

dhjetë kile dhe që përdoret si masë drithi; karroqe

Dhjetë babune grurë. Mat me babune

BAKËRE

Enë ose sende të tjera prej bakri. Bakëre të vjetra

Bakëret e shtëpisë. Kallajisi bakëret

BAKËRISHTE

Enë ose send tjetër prej bakri; bakëre; mbeturina

sendesh prej bakri, copa bakri. Bakërishte e vjetër

Bakërishtet e shtëpisë. Shkrinë bakërishtet

BAKËRORE

Enë prej bakri. Bakërore për gjellë

BALONË

në qelqi a metali si sferë, që përdoret për të

mbajtur mbyllur lëngje ose gaze. Balonë qelqi. Balonë

me oksigjen. Balona e llambës

BALSAMARE

Enë prej balte me grykë të ngushtë, për të mbajtur

balsam ose erëra të mira

BALTORE

Enë prej balte (tas, tavë, shtambë etj.). Baltore për

gjellë (për ujë)

BARKASHORE

Enë (poçe balte, kusi etj.) me bark të fryrë, që përdoret

për gatim; shtambë balte nga njëra anë me bark dhe

nga ana tjetër e sheshtë. U thye barkashorja

BIDON

Enë e madhe, zakonisht prej metali a prej lënde

plastike, me kapak e me dorezë, që shërben për të

mbajtur ujë, qumësht, vaj guri etj. Bidon teneqeje

Bidon uji (qumështi, vaj guri)

BILUR

1. Porcelan. Enë (pjatë) biluri. I bardhë si biluri

2. Xham i pastër; kristal i bardhë. Gotë biluri

BISHTAK

Enë me bisht të gjatë që përdoret për ujë; lugë e

madhe me bisht të gjatë, që përdoret për të ndarë

gjellën, bishtore

BISHTJE

Enë me bisht të gjatë për gjellë

BISHTORE

Enë me bisht të gjatë; xhezve

BOCË

Enë prej qelqi për ujë, për verë etj., që zakonisht

mbahet mbi tryezë; shishe e vogël. Bocë njëlitërshe

BOMBOL

Enë prej metali, në trajtë cilindri, që përdoret për të

ruajtur e për të mbartur gaze të ngjeshura ose lëngje

Bombol çeliku. Bombol oksigjeni (ajri). Bombol me gaz

(me lëng)

BOTE

Enë prej balte; shtambë me përmasa të ndryshme që

përdoret për ujë, për verë etj. Pi me bote. Një bote me verë

BOVË

Enë metalike e zbrazët në trajtë fuçie a në ndonjë trajtë

tjetër, që rri mbi ujë dhe që vihet në det a në liqen,

zakonisht jo shumë larg bregut, si shenjë

paralajmëruese ose si mbështetje ku lidhen

përkohësisht anijet. Bova e sinjalit. Bova e fenerit

Hedh bovat

BROJCË

Enë balte a metali e vogël, me një vesh, që përdoret

zakonisht për ujë

BROKË

1. Enë druri e rrumbullakët, që përdoret si masë drithi

dhe që nxë rreth njëzet e pesë kilogramë. Një brokë

misër (grurë). Lëmi hodhi tridhjetë broka

2. Enë prej balte, prej qelqi, prej porcelani etj. në trajta

të ndryshme, me grykë të gjerë e me një vesh, që

shërben për të mbajtur ujë, verë etj. Brokë balte (qelqi,

porcelani). Brokë uji. Pi me brokë

BUCAK

Enë e drunjtë me lëfyt, që përdoret për ujë, bucelë e

vogël, kënaçe, fytak

BUCELË

1. Enë e drunjtë si fuçi e vogël, që përdoret për të

mbajtur ujë të pijshëm

2. Enë balte me lëfyt, e sheshtë nga njëra anë dhe me

bark nga ana tjetër, që përdoret për të mbajtur ujë

BUKATOR

Pjatë a enë e thellë, që nxë miell sa për të bërë një

bukë

BUSHAKË

Enë e madhe për vaj

BUZAK

Enë druri si gjym, që përdoret për ujë

BANAK

1. Tryezë e posaçme, e gjatë dhe e ngushtë, e mbyllur

përpara e lart zakonisht me xham, ku mbahen mallrat që

shiten ose ku jepen pijet, ëmbëlsirat, cigaret etj. në një

birrari, në një bar-bufe, në një restorant etj. Shitësi i

banakut. Marr nga banaku. Rrinte prapa banakut

2. Tryeza ku punon zdrukthëtari; pjesë e rrafshët si

tryezë në një makinë për punimin e drurit dhe të metalit

Banaku i zdrukthëtarit. Banaku i sharrës

BLUES

Që shërben për të bluar. Makinë (fabrikë) bluese. Mulli blues

BORËPASTRUES

Që shërben për të hequr borën nga rrugët e nga

sheshet e qyteteve. Makinë borëpastruese

BOSHT

Pjesë e makinave, e mjeteve dhe e veglave të punës,

që ka trajtën e një druri të rrumbullakët dhe që shërben

për të bashkuar rrotat ose pjesë të tjera që rrotullohen

a që lëvizin. Boshti qendror (kryesor). Boshti i qerres

Boshti i dërstilës (i mullirit). Boshti i çadrës. Makinë me dy boshte

BRUMËGATUES

Që shërben për të gatuar brumin e bukës, të betonit etj

Makinë brumëgatuese

BRUMËGATUESE

Makinë e posaçme që shërben për të gatuar brumin e

bukës, të betonit etj., gatuese brumi

Fjalori i veglave pajisjeve mjeteve aparaturave